VOEL AAN MY EN KYK

pselafesate me kai idete hoti pneuma sarka kai ostea ouk echei kathos eme theoreite echonta. KATA LOUKAN 24.39 

“…Voel aan My en kyk; want ’n gees het nie vlees en bene soos julle sien dat Ek het nie.” Lukas 24 vers 39b.

Die woord wat Jesus na sy opstanding uit die dood gebruik het toe hy sy dissipels uitgenooi het om Hom aan te raak is die woord pselafesate wat vertaal sou kon word met “om aan te raak deur te voel of te hanteer; om te hanteer of aan te vat.” Hy nooi die verbysterde dissipels juis daartoe uit sodat hulle vir hulle self sou agterkom dat hy hier voor hulle vlees en beendere het, en dat Hy nie ’n gees is nie. Dit is regtig Hy.

Wat merkwaardig aan die Griekse woord  pselafesate is, is dat dit verband hou met die woord “psalm”. Kan jy dit raak lees in die eerste deel van die woord psela-? 

Hoe werk dit?

So: 

’n Psalm is ’n gewyde lied of ’n loflied wat aanvanklik begelei is met ’n snaarinstrument, en spesifiek deur die aanraking, pluk en speel van die snare. 

Ons woord pselafao, wat hier pselafesate word omdat dit ’n opdrag aan meer as een persoon is, het dan ook te make daarmee dat die dissipels hulle vingers en hande moet nader bring om aan die Here se liggaam te kom raak. 

As ons Jesus se woorde sou vertaal deur te sê dat Hy die dissipels hier uitnooi om ’n Psalm op sy ribbes te kom speel, sal ons te ver gaan.

Maar, dieselfde gebruik van die hande en vingers by die aanvanklike begeleiding van ’n psalm vir so ver as wat dit aanraking en vat sou insluit, kan hier nie buite rekening gelaat word nie.

Die punt?

Hulle het Hom gesien – dit maak hulle ooggetuies.

Hulle’t Hom gehoor – dit maak hulle hoorgetuies.

Nou nooi Hy hulle uit om aan Hom te vat – dit maak hulle dalk vatgetuies of tasgetuies of raakgetuies of voelgetuies

Om dit nog alles te kroon eet Jesus self voor hulle gebraaide vis en ook ’n stuk heuningkoek. Om die volledige spyskaart te hê sal jy hier die 1933/1953 vertaling moet lees, wat ook die heuningkoek daar insluit.

En wat beteken dit vir jou en my as christene?

Jesus het deur sy opstanding die dood oorwin, en so het Hy gemaak dat ons ook deel kan kry aan die geregtigheid wat Hy verdien het deur sy dood.

As uitverkorenes word ons ook nou deur sy krag opgewek tot ’n nuwe lewe.

Jesus se opstanding uit die dood is vir ons ook ’n waarborg en bewys dat ons ook eendag as gereddes uit die dood uit sal opstaan.

Kom ons groet mekaar nou met soveel Russiese christene, met die volgende woorde:

“Christus het opgestaan!”

“Hy het waarlik opgestaan!”


Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google+ photo

Jy lewer kommentaar met jou rekening by Google+. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

w

Connecting to %s