MAN EN VROU HET HY HULLE GESKAPE

MAN EN VROU HET HY HULLE GESKAPE

deur Frikkie Mulder

“…En God het gesê: Laat ons mense maak na ons beeld, na ons gelykenis, en laat hulle heers oor die visse van die see en die voëls van die hemel en die vee en oor die hele aarde en oor al die diere wat op die aarde kruip. En God het die mense geskape na sy beeld; na die beeld van God het Hy hom geskape; man en vrou het Hy hulle geskape. En God het hulle geseën , en God het vir hulle gesê: Wees vrugbaar en vermeerder en vul die aarde, onderwerp dit en heers oor die visse van die see en die voëls van die hemel en oor al die diere wat op die aarde kruip…” GENESIS 1 verse 26 tot 28.

Ek wil graag in hierdie gedeelte twee sake uitlig. Die eerste is die oorspronklike Hebreeuse woord vir “vrou” in hierdie gedeelte, naamlik “man en vrou het Hy hulle geskape”. En dan ook die opdrag aan die man en die vrou om vrugbaar te wees, te vermeerder, en die aarde te vul, wat tussen hakies in die oorspronklike Hebreeus die mooiste poësie is.

Die woord vir “vrou” in hierdie gedeelte is die woord “niqeiva” wat sonder twyfel in verband staan met die Hebreeuse werkwoord “naqav”. Die woord “naqav” in Hebreeus, beteken “om te deurboor” of “om te perforeer”. Sommige vertaal daarom ook ons selfstandige naamwoord – “niqeiva”, as “geperforeerde een”. Heelwat taalkundiges voel absoluut ’n veer vir die “geskiedenis” of “herkoms” van enige spesifieke woord, en ontken ook wat genoem kan word die “kernbetekenis” van enige woord. Hulle voel dat die studie van enige woord se etimologie of herkoms, van min of gener waarde is nie. Ek is nie een van daardie taalkundiges nie, want ek gee graag ook spasie aan die herkoms van ’n woord in die uitleg van die heilige Skrif. Ons woord “niqeiva” verwys dus ongetwyfeld na die vroulike fisiologie, of manier waarop haar liggaam, en ook haar geslagtelikheid deur God gevorm is toe sy uit Adam se ribbebeen as mens gevorm is. Die woord vir “man” in hierdie gedeelte, is ’n totaal ander woord, naamlik “zakhar”. Feit bly dat wanneer God hierna aan die man en vrou sê dat hulle vrugbaar moet wees, meer moet word, en die aarde moet vul, dit onmoontlik is om die voorafgaande fisiologie – opgesluit in die woord “niqeiva”, mis te kyk. Die woord “vrou”, is hier nie net ’n woord nie, maar dit verwys ook na die liggaamlike realiteit en fisiologie van haar wat so genoem word. Met die man en vrou se geslagtelikheid as gegewe, kom die opdrag tot hulle om kinders te verwek en in die lewe te bring. In die Hebreeus: “Proe, oerwoe, oemiloe”.

Laat ons die heilige Naam van God ons Vader verheerlik en dank en loof vir sy kunstige hand, in die vorming van man en vrou, met die doel om hulle aan mekaar te gee, maar ook om deur hulle die wêreld met nog beeldraers van God te vul. Alle lof en eer aan U o Vader, Seun, en Heilige Gees, U die enigste ware God. Amen.


Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google photo

Jy lewer kommentaar met jou rekening by Google. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s